Журналдың мақсаты мен бағыттары
Экономика: стратегия және практика - бұл экономика, экономикалық даму, стратегиялық саясат және практикалық шешімдер туралы жоғары сапалы мақалаларды жариялауға арналған екі “жасырын” рецензиялауды жүргізетін журнал. Журнал атауындағы “экономика”, “стратегия” және “практика” деген үш сөз журналды жүргізудің негізі болып табылады.
Журнал экономикалық теорияны, мемлекеттік саясатты талдауды және практикалық шешімдерді біріктіретін пәнаралық зерттеулерге арналған халықаралық платформа ұсынады. Ол тұрақты даму, цифрлық трансформация және әлеуметтік-экономикалық орнықтылыққа қатысты заманауи сын-қатерлерді зерделеу арқылы жаһандық академиялық дискурсқа үлес қосуды мақсат етеді.
Журнал теориялық және эмпирикалық зерттеулерді дамытуға, сондай-ақ ұлттық, аймақтық және жаһандық деңгейлердегі экономикалық даму контекстінде дәлелді негізге негізделген мемлекеттік саясат пен практикалық шешімдерді талдауды ілгерілетуге бағытталған.
Журналдың тақырыптық бағыттары:
▪ Экономикалық өсу және тұрақты даму;
▪ Мемлекеттік басқару;
▪ Инновация және цифрландыру;
▪ Өңірлік экономика;
▪ Әлеуметтік саясат және өмір сапасы;
▪ Қаржы экономикасы;
▪ Әлемдік экономика;
▪ Менеджмент және маркетинг;
▪ Туризм және қоршаған ортаны басқару.
Журнал ғылыми мақалаларды үш тілде – қазақ, орыс және ағылшын тілдерінде жариялайды және жылына 4 рет шығады. Мақалалар 1-ші нөмір – 10 қаңтарға дейін, 2 -ші нөмір – 10 сәуірге дейін, 3-ші нөмір – 10 шілдеге дейін, 4-ші нөмір – 10 қазанға дейін қабылданады.
Рецензиялау нәтижелері бойынша автор мақала берілгеннен кейін 4-12 апта ішінде оң немесе теріс жауап алады. Мақала қабылданған жағдайда өндірістік циклдің жалпы ұзақтығы 9-11 аптаны құрайды.
Журнал ғылыми қызметтің негізгі нәтижелерін жариялау үшін ҚР БҒМ БҒССҚК ұсынатын ғылыми басылымдар тізбесіне кіреді.
Журнал Қазақстан Республикасы Мәдениет және ақпарат министрлігінің Ақпарат және мұрағат комитетінде тіркелген.
2006 жылғы 27 сәуірдегі №7158-Ж БАҚ-ты есепке қою туралы куәлік
Еркін қолжетімділік саясаты
Журналдың барлық шығарылымдары еркін қол жетімді және (http://esp.ieconom.kz) журналдың үш тілді сайты немесе http://elibrary.ru электрондық кітапхана арқылы қол жеткізуге болады. Осылайша, журнал мақалалары барлығына қол жетімді, өйткені зерттеу нәтижелеріне еркін қол жеткізу жалпы білімнің артуына ықпал етеді.
Журнал Sherpa/Romeo «Көк» мұрағаттау саясатын ұстанады. PDF форматында жарияланған барлық мақалалар шектеусіз мұрағатталуы мүмкін.
Индекстеу және мұрағаттау:
- SCOPUS
- Directory of Open Access Journals (DOAJ)
- eLIBRARY.RU — біріктірілген ғылыми ақпараттық портал, Ресей
- EconBiz
- BASE
- Mendeley
- Бірыңғай электронды кітапхана, Қазақстан
- Қазақстандық дәйексөз базасы
- Ресейлік ғылыми дәйексөз индексі
- CrossRef
Журналды тарату
Журналға «Қазпошта» АҚ арқылы жазылуға болады». Жазылу индексі – 75417. Журналдың бір нөмірінің каталогтық бағасы 3500 теңгені құрайды (жеткізуді қоса есептегенде).
Журналға жазылуды журнал редакциясы арқылы да ресімдеуге болады. Ол үшін бізге esp@ieconom.kz электрондық поштасы арқылы хабарласу қажет. Сізге тапсырыстың жалпы сомасына шот беріледі, оны төлегеннен кейін журнал нөмірлері жіберіледі.
Электрондық журналға да жазылуға болады. Бұл жағдайда жылдық жазылу құны 10 000 теңгені құрайды.
